యూఏఈ: అబుదాబిలో నివసిస్తున్న ఒక భారతీయ ప్రవాసి షజీర్ వెంగా.. షార్జా ఇస్లామిక్ బ్యాంక్ (SIB)లో పొదుపు ఖాతా తెరిచిన రెండు నెలల లోపే ఆ బ్యాంక్ మిలియనీర్ క్యాంపెయిన్‌లో 2 మిలియన్ దిర్హమ్‌లు గెలుచుకున్నారు.  తాను SIB మిలియనీర్ క్యాంపెయిన్ గురించి విస్తృతంగా చదివానని, దాని విజేతలలో ఒకరిగా నిలవాలని ఎప్పుడూ ఆశించేవాడినని ఆయన చెప్పారు. అయితే, ఆ కల ఇంత త్వరగా నిజమవుతుందని ఎప్పుడూ ఊహించలేదన్నారు.  2 మిలియన్ దిర్హమ్‌ల బహుమతి తన జీవితాన్ని మార్చేస్తుందని పేర్కొన్నాడు.  ఈ డబ్బు తన భవిష్యత్తులో పెట్టుబడి పెట్టడానికి, తన కుటుంబాన్ని భారతదేశం నుండి యూఏఈలో తనతో కలిసి జీవించడానికి తీసుకురావడానికి సహాయపడుతుందని తెలిపారు.

2 మిలియన్ దిర్హమ్‌ల గ్రాండ్ ప్రైజ్‌తో పాటు, ఎమిరేటీ కస్టమర్ మోజా బుట్టి ఒక లగ్జరీ BMW XMను గెలుచుకోగా, మరో 40 మంది విజేతలు నగదు బహుమతులు అందుకున్నారు.

తదుపరి డ్రాలో, 40 నగదు బహుమతులతో పాటు ఒక్కొక్కటి Dh1 మిలియన్ విలువ కలిగిన రెండు ప్రధాన బహుమతులు ఉంటాయని షార్జా ఇస్లామిక్ బ్యాంక్ రిటైల్ బ్యాంకింగ్ హెడ్ నబిల్ అబూ అల్వాన్ తెలిపారు. వీటిలో ఒకటి యూఏఈ జాతీయుల కోసం కేటాయించబడగా, మరొకటి అన్ని జాతీయతల వారికి అందుబాటులో ఉంటుందన్నారు.