జెడ్డా: సౌదీ అరేబియా మానవ వనరులు మరియు సామాజిక అభివృద్ధి మంత్రిత్వ శాఖకు అనుబంధంగా ఉన్న కివా వేదిక.. రెండు సంవత్సరాల కంటే తక్కువ వయస్సు ఉన్న కొత్తగా స్థాపించబడిన వ్యాపారాలకు అందుబాటులో ఉన్న తక్షణ వీసాల గరిష్ట సంఖ్యను కేవలం ఐదింటికి తగ్గించినట్లు ప్రకటించింది. రెండు సంవత్సరాల కంటే ఎక్కువ కాలంగా పనిచేస్తున్న వ్యాపారాలు, ఒకే దరఖాస్తు ద్వారా గానీ లేదా అదే వారంలో సంస్థ స్థాయిలో సమర్పించిన బహుళ దరఖాస్తుల ద్వారా గానీ, 50 వరకు తక్షణ వీసాలను పొందవచ్చని స్పష్టం చేసింది.
కివా ప్రకారం, వ్యాపారాలకు ప్రారంభంలో రెండు వీసాలు మంజూరు చేస్తారు. అధిక సౌదీకరణ రేటును సాధించిన తర్వాత వీసా కేటాయింపును పెంచుతారు. సౌదీయేతర కార్మికులను నియమించుకోవడానికి 10 కీలక అవసరాలను కూడా ఆ వేదిక హైలైట్ చేసింది. సంస్థ కింద ఉన్న ఉద్యోగులందరి వర్క్ పర్మిట్లు తప్పనిసరిగా చెల్లుబాటులో ఉండాలి. వాణిజ్య రిజిస్ట్రేషన్ కలిగి ఉండాల్సిన అవసరం లేని సంస్థలు మినహా, సంస్థ వాణిజ్య రిజిస్ట్రేషన్ తప్పనిసరిగా చెల్లుబాటులో ఉండాలి. సంస్థ తప్పనిసరిగా మీడియం గ్రీన్ కేటగిరీ లేదా అంతకంటే పై కేటగిరీలో ఉండాలి.  సంస్థ తప్పనిసరిగా వేతన రక్షణ చట్టానికి అనుగుణంగా ఉండాలి. ఆయా సంస్థలు తప్పనిసరిగా అబ్షర్ లేదా ముకీమ్ వంటి అంతర్గత వ్యవహారాల మంత్రిత్వ శాఖ ప్లాట్‌ఫారమ్‌లలో తగినంత ఆర్థిక పరపతిని నిర్వహించాలి. 10 లేదా అంతకంటే ఎక్కువ మంది ఉద్యోగులు ఉన్న సంస్థలకు వర్తించే వార్షిక స్వీయ-అంచనా అవసరాన్ని సంస్థ తప్పనిసరిగా పూర్తి చేయాలి. సంస్థలు తప్పనిసరిగా ఖివా ప్లాట్‌ఫారమ్ ద్వారా ఉద్యోగుల పని ప్రదేశాలను కేటాయించాలి. అలాగే, యజమానికి కనీసం 18 సంవత్సరాల వయస్సు ఉండాలి. అభ్యర్థించిన వీసా రకాన్ని బట్టి, సంస్థకు అందుబాటులో నియామక కోటా ఉండాలి.
వీసా కేటగిరీలకు సంబంధించి, ప్లాట్‌ఫారమ్ మూడు రకాల వీసాలు ఉన్నాయని వివరించింది.
శాశ్వత వర్క్ వీసాలు—దీర్ఘకాలిక ఒప్పందాల కింద సౌదీయేతర కార్మికుల ఉపాధి కోసం జారీ చేయబడతాయి.

తాత్కాలిక పని వీసా—సౌదీయేతర కార్మికుల మూడు నెలలు లేదా అంతకంటే తక్కువ కాలపరిమితి గల స్వల్పకాలిక ఉపాధి ఒప్పందాల కోసం జారీ చేయబడుతుంది.
హజ్ మరియు ఉమ్రా తాత్కాలిక పని వీసాలు — ఇవి హజ్ లేదా ఉమ్రా సీజన్లలో పని చేసే వారి కోసం ఉద్దేశించినవి. మానవ వనరులు మరియు సామాజిక అభివృద్ధి మంత్రిత్వ శాఖ ఆమోదానికి లోబడి జారీ చేయబడతాయి.