భారత ప్రజాస్వామ్య వ్యవస్థలో ఓటరు జాబితా అత్యంత కీలకమైన అంశం. ఎన్నికలు పారదర్శకంగా, నిష్పాక్షికంగా నిర్వహించాలంటే ఓటరు జాబితా ఖచ్చితంగా ఉండాలి. ఈ నేపథ్యంలో ఎన్నికల సంఘం చేపట్టే స్పెషల్ ఇంటెన్సివ్ రివిజన్ (SIR) ప్రక్రియకు ప్రత్యేక ప్రాధాన్యం ఉంది.

సర్‌ (SIR) ప్రక్రియ అంటే ఏమిటి?

Special Intensive Revision (SIR) అనేది ఓటరు జాబితాలను సమగ్రంగా పరిశీలించి, అర్హులైన ప్రతి పౌరుడి పేరును చేర్చడం, అనర్హుల పేర్లను తొలగించడం, వివరాలను సరిదిద్దడం కోసం ఎన్నికల సంఘం చేపట్టే ప్రత్యేక కార్యక్రమం.

ఈ ప్రక్రియలో ఓటర్ల వివరాలను ఇంటింటికీ వెళ్లి ధృవీకరించడం, కొత్త ఓటర్ల నమోదు, మరణించినవారి పేర్ల తొలగింపు, ఇతర ప్రాంతాలకు మారిన వారి వివరాల నవీకరణ వంటి పనులు నిర్వహిస్తారు.

సర్‌ ప్రక్రియ లక్ష్యాలు

• ఓటరు జాబితాను తప్పులులేకుండా రూపొందించడం
• అర్హులైన ప్రతి పౌరుడికి ఓటు హక్కు కల్పించడం
• డూప్లికేట్ పేర్లను తొలగించడం
• మరణించిన లేదా ఇతర ప్రాంతాలకు మారిన వ్యక్తుల పేర్లను తొలగించడం
• ఎన్నికల పారదర్శకతను పెంచడం

సర్‌ ప్రక్రియ ఎలా జరుగుతుంది?

ఎన్నికల సంఘం నిర్దేశించిన షెడ్యూల్ ప్రకారం బూత్ లెవల్ అధికారులు (BLOలు) ఇంటింటికీ వెళ్లి ఓటర్ల వివరాలను సేకరిస్తారు. అనంతరం ముసాయిదా ఓటరు జాబితాను విడుదల చేసి, ప్రజల నుంచి అభ్యంతరాలు, సూచనలు స్వీకరిస్తారు.

దరఖాస్తుల పరిశీలన అనంతరం తుది ఓటరు జాబితాను ప్రకటిస్తారు.

అవసరమైన పత్రాలు

కొత్తగా ఓటరు నమోదు చేసుకునే వారు సాధారణంగా కింది పత్రాలు సమర్పించాల్సి ఉంటుంది:

• ఆధార్ కార్డు
• జనన ధృవీకరణ పత్రం లేదా వయస్సు రుజువు
• నివాస ధృవీకరణ పత్రం
• పాస్‌పోర్ట్, డ్రైవింగ్ లైసెన్స్ లేదా ఇతర గుర్తింపు పత్రాలు

ప్రజాస్వామ్యానికి బలమైన పునాది

సర్‌ ప్రక్రియ ద్వారా ఓటరు జాబితా మరింత విశ్వసనీయంగా మారుతుంది. ప్రతి అర్హుడికి ఓటు హక్కు అందేలా చేయడంతో పాటు ఎన్నికల్లో అక్రమాలకు అడ్డుకట్ట వేయడంలో ఇది కీలక పాత్ర పోషిస్తుంది.

ప్రజలు కూడా ఈ ప్రక్రియలో చురుకుగా పాల్గొని తమ వివరాలు సరిగా నమోదయ్యాయో లేదో ధృవీకరించుకోవడం అవసరం. ఎందుకంటే ఖచ్చితమైన ఓటరు జాబితానే బలమైన ప్రజాస్వామ్యానికి పునాది.

"ప్రతి ఓటు విలువైనదే... ప్రతి అర్హ పౌరుడు ఓటరు జాబితాలో ఉండటం ప్రజాస్వామ్య బాధ్యత."

"సర్" ప్రక్రియ చాలా మంచిది మరియు అనివార్యం . ఐతే విదేశాలలో శాశ్వత పౌరసత్వం లేక కేవలం వృత్తి, ఉద్యోగాలతో ఆయా దేశాలలో నివసిస్తున్న ప్రవాస భారతీయుల కల కలగానే మిగిలిపోతోంది.ఒక్క యూఏఈలోనే 50లక్షల మంది భారతీయులు ఉన్నట్లు లెక్కలు చెబుతున్నాయి. వీరందరిలో చాలా మంది కి స్వదేశం లో తమ ఓటు హక్కు ఉందో లేదో కూడా తెలియదు, నాలాంటి కొందరికైతే అక్కడ ఓటర్ల లిస్టులో పేరే తీసేసారు. ప్రత్యక్ష ఎన్నికలలో మేము కూడా భాగమవ్వాలని, మా ఓటు వినియోగించుకోవాలని ఆశపడి ఉన్న ఊరుకి వెళితే తీరా నిరాశే ఎదురవుతోంది. కారణం ఓటర్ల లిస్టులో  మన పేరు లేక పోవడమే. దీనికి ఒక పరిష్కారం ఉంది. ఎవరైతే విదేశాలలో ఉంటున్నారో వారి పాస్పోర్టు, మరియు ఆయా దేశాలలో నివాస ధృవీకరణ పత్రాల ఆధారంగా వారి పేర్లను ఆయా నియోజకవర్గాల ఓటర్ల లిష్టులో చేర్చేలా ప్రభుత్వం, ఇక్కడి ఎంబసీలు చర్యలు తీసుకోవాలి.

--సుబ్రహ్మణ్య శర్మ(దుబాయ్)