జెడ్డా: జూలై 1 వరకు పశ్చిమ తీర ప్రాంతంలో డస్ట్ తుఫానులు చెలరేగే అవకాశం ఉందని, దీనితో బలమైన గాలులు వీస్తాయని నేషనల్ సెంటర్ ఫర్ మెటియోరాలజీ (NCM) అరెర్ట్ జారీ చేసింది. దీనివల్ల విజిబిలిటీ (visibility) తగ్గే అవకాశం ఉంటుందని పేర్కొంది.

జెడ్డా నుండి జజాన్ వరకు ఉన్న తీరప్రాంతంలో దుమ్ము తుఫానుల ప్రభావం ఉంటుందన్నారు. వారం రోజుల పాటు ఇవి కొనసాగుతాయని వెల్లడించింది. కొన్ని సందర్భాల్లో వీచే బలమైన దుమ్ము తుఫానుల కారణంగా విజిబిలిటీ దాదాపుగా జీరో అవుతుందని, ఆ సమయంలో వాహనదారులు తగిన జాగ్రత్తలు తీసుకోవాలని NCM తన ప్రకటనలో సూచించింది.