అసీర్: సౌదీ అరేబియాలోని అభాలో జరిగిన ఒక ఫెస్టివల్ లో అమ్యూజ్‌మెంట్ రైడ్ ప్రమాదంపై అధికారులు విచారణ ప్రారంభించారు.ఈ ఘటన జరిగిన వెంటనే అత్యవసర సేవల బృందాలు స్పందించి, గాయపడిన వారికి వైద్య సహాయం అందించాయి. ఈ మేరకు అసీర్ గవర్నరేట్ 'X' (ట్విట్టర్) వేదికగా విడుదల చేసిన ఒక ప్రకటనలో తెలిపింది. ఈ ఘటనలో 23 మంది గాయపడ్డారు. ఎటువంటి ప్రాణనష్టం జరగలేదు.  

ప్రమాదానికి గల కారణాలు మరియు పరిస్థితులను నిర్ధారించడానికి విచారణ కొనసాగుతోందని, అదే సమయంలో ఘటనకు సంబంధించిన సాంకేతిక మరియు నియంత్రణ అంశాలను పరిశీలించేందుకు అవసరమైన చట్టపరమైన ప్రక్రియలు పూర్తి చేస్తున్నామని గవర్నరేట్ పేర్కొంది. ప్రజలు వదంతులకు దూరంగా ఉండాలని, అధికారిక సమాచారాన్ని మాత్రమే ఫాలో కావాలని కోరారు.