ఏది నీది ?
- August 12, 2016నేల నీదనుకొని రెండడుగులు ముందుకేస్తే
జారి పడినా.., నిజం నీకు తెలియక పోవచ్చు
ఇచ్చుకోవడాలు పుచ్చుకోవడాలు
వాళ్ళ భేరాలు కుదిరాక
నీకంటూ ఏదీ మిగలకపోవచ్చు
నీ అడుగుల్ని నువ్వే నిందించకు
నిన్ను చూసేందుకు
నీ కంటితడి తుడిచేందుకు
లేనివాడెవడో ఒకడున్నాడనుకుంటావు
కలలను ప్రేమిస్తూ కాలం గడిపేస్తావు
కురిసే ప్రేమ నీకోసం కాకపోవచ్చు
ప్రకటనలు హామీలు
ప్రవాహమై ప్రవహించవచ్చు
నువ్వు కొట్టుకోనీ పోవచ్చు
ఏది నీదో
ఏవి నీవో
జవాబులు చిక్కినట్టే చిక్కి
చేప పిల్లలా జారుకుంటాయి
నేస్తం !
జీవితం నీది కాదు జీతానిది
జీతం పెరిగే ధరలది
బ్రతుకూ నీది కాదు
దేశానిది అసలే కాదు
గుద్దే లారీలది
కూలే విమానాలది
పేలే బాంబులది
మరణమొక్కటే నీది
వేల మరణాల తరవాత
పారువెల్ల
తాజా వార్తలు
- ఏపీలో ప్రభుత్వ ఉద్యోగులకు గుడ్న్యూస్..
- ఎన్నికల వేళ ఆంధ్రప్రదేశ్ డీజీపీ రాజేంద్రనాథ్ రెడ్డి పై ఈసీ బదిలీ వేటు
- వాట్సాప్ అకౌంట్ ‘రిస్ట్రిక్షన్’ ఫీచర్ వచ్చేస్తోంది..
- అబుదాబిలో ప్రధాని మోడీ గెలవాలని పూజలు
- కార్ మెకానిక్ పై దాడి.. కారు ఓనర్ కు 3ఏళ్ల జైలుశిక్ష
- షార్జా హడిబా క్షేత్రంలో కొత్త గ్యాస్ నిల్వలు
- కైరో వీధిలో కొత్త టన్నెల్ ప్రారంభం
- ఫుడ్ పాయిజనింగ్ ఘటనపై ఆరోగ్య మంత్రిత్వ శాఖ నివేదిక
- సముద్ర నౌకలను తనిఖీ చేసిన అధికారులు
- ఒమన్లో విస్తరిస్తున్న తుఫాన్..?