మనామా: బహ్రెయిన్‌లో అత్యవసర హెచ్చరిక సైరన్లు మోగినట్లు ఆ దేశ అధికారులు ప్రకటించారు. భద్రతా పరిస్థితుల నేపథ్యంలో ఈ చర్యలు చేపట్టినట్లు వెల్లడించారు.

అధికారులు పౌరులు, నివాసితులు ఎలాంటి ఆందోళనకు గురికాకుండా ప్రశాంతంగా ఉండాలని సూచించారు. సమీపంలోని సురక్షిత ప్రాంతాలకు వెంటనే వెళ్లి ఆశ్రయం పొందాలని, అధికారిక ప్రభుత్వ ఛానళ్ల ద్వారా విడుదలయ్యే తాజా సమాచారం, సూచనలను మాత్రమే అనుసరించాలని విజ్ఞప్తి చేశారు.

ప్రస్తుత పరిస్థితిని బహ్రెయిన్ అధికారులు నిరంతరం పర్యవేక్షిస్తున్నారని, ప్రజలు వదంతులను నమ్మకుండా అధికారిక ప్రకటనలపైనే ఆధారపడాలని కోరారు. పరిస్థితిపై మరిన్ని వివరాలు అధికారికంగా వెలువడాల్సి ఉంది.