మార్కెట్‌లో దొరికే ప్యాకేజ్డ్  వాటర్ బాటిళ్లను (సింగిల్ యూజ్ ప్లాస్టిక్ బాటిల్స్) కొనుగోలు చేసి, ఖాలీ అయ్యాక వాటిలోనే మళ్లీ మళ్లీ నీళ్లు నింపుకుని వాడుకోవడం చాలా మందికి అలవాటు. అయితే, ఈ చిన్న అలవాటే మీ ప్రాణాల మీదకు తెచ్చే ప్రమాదం ఉందని వైద్య నిపుణులు తీవ్రంగా హెచ్చరిస్తున్నారు. నిన్ననే ఒక యువతి ఇటువంటి సింగిల్ యూజ్ ప్లాస్టిక్ బాటిల్‌ను నిరంతరం పునర్వినియోగించడం (Reuse) వల్ల తీవ్ర అనారోగ్యానికి గురై, ప్రాణాపాయ స్థితికి చేరుకోవడం కలకలం రేపింది. ఈ బాటిళ్లను ఒకసారి వాడి పారేయడానికి మాత్రమే తయారు చేస్తారని, వీటిని పదేపదే వాడటం వల్ల బాటిల్ లోపలి ఉపరితలంపై సూక్ష్మమైన గీతలు పడి, వాటిని ఎంత శుభ్రం చేసినా వదలకుండా ప్రమాదకరమైన బ్యాక్టీరియా చేరిపోతుందని వైద్యులు స్పష్టం చేస్తున్నారు.

రసాయనాల ముప్పు.. హార్మోన్ల అసమతుల్యత నుండి క్యాన్సర్ వరకు!

ఈ సింగిల్ యూజ్ ప్లాస్టిక్ బాటిళ్ల తయారీలో ఉపయోగించే రసాయనాలు మానవ శరీరానికి అత్యంత హానికరం. ముఖ్యంగా మన దేశంలో ఉండే వేడి వాతావరణం లేదా ఎండ తగిలినప్పుడు, ఈ బాటిళ్లలోని ప్లాస్టిక్ కరిగి మైక్రోప్లాస్టిక్స్ మరియు ప్రమాదకర రసాయనాలు మనం తాగే నీటిలో కలిసిపోతాయి. ఈ కలుషిత నీటిని క్రమం తప్పకుండా తాగడం వల్ల శరీరంలో హార్మోన్ల అసమతుల్యత (Hormonal Imbalance), రోగనిరోధక శక్తి క్షీణించడం, జీర్ణక్రియ సమస్యలు తలెత్తుతాయి. అంతటితో ఆగకుండా ఇవి కాలక్రమేణా క్యాన్సర్ (Cancer) వంటి ప్రాణాంతక వ్యాధులకు దారితీసే ప్రమాదం ఉందని పరిశోధనల్లో తేలింది. ఆరోగ్యాన్ని కాపాడుకోవడానికి ప్లాస్టిక్ బాటిళ్లకు దూరంగా ఉండి, గాజు లేదా స్టెయిన్‌లెస్ స్టీల్, రాగి పాత్రలను వాడటమే ఉత్తమమని నిపుణులు సూచిస్తున్నారు.