వాహనదారులు తమ వాహనాల్ని అమ్మకం కోసం పబ్లిక్‌ ప్లేస్‌లలో పెడితే, తక్షణం 500 ఒమన్‌ రియాల్స్‌ జరీమానా చెల్లించాల్సి ఉంటుంది. ఈ మేరకు కొత్త నిర్ణయాన్ని మస్కట్‌ మునిసిపాలిటీ ఛైర్మన్‌ ఎంగ్‌ మొహసెన్‌ బిన్‌ మొహమ్మద్‌ అల్‌ షేక్‌ వెల్లడించారు. పలు నిబంధనల ఉల్లంఘనకు గాను ప్రస్తుతం 10 నుంచి 500 ఒమన్‌ రియాల్స్‌ వరకు జరీమానా విధిస్తున్నారు. పార్కింగ్‌ పీజు కూడా 50 బైజా (నిమిషానికి) నుండి 100 బైజా వరకు పెంచారు. ఎస్‌ఎంఎస్‌ ద్వారా పార్కింగ్‌ ఫీజ చెల్లింపు కూడా 30 నిమిషాలకు 100 బైజా చేశారు. ఆగస్ట్‌ 3 నుంచి ఈ రుసుములు వర్తిస్తున్నాయి. అంతర్జాతీయంగా పతనమైన ముడిచమురు ధరల నేపథ్యంలో ఈ నిర్ణయం తీసుకున్నారు.