మస్కట్: ప్రవక్త మహమ్మద్ జన్మదినం సందర్భంగా ఒమన్ సుల్తాన్ హైతమ్ బిన్ తారిక్ 459 మంది ఖైదీలకు ప్రత్యేక క్షమాభిక్ష ప్రకటించారు. వివిధ కేసుల్లో దోషులుగా తేలి జైలు శిక్ష అనుభవిస్తున్న ఒమన్ పౌరులు, విదేశీయులు ఈ క్షమాభిక్ష పొందిన వారిలో ఉన్నారని అధికారులు తెలిపారు. 

ఖైదీల కుటుంబాల పట్ల సుల్తాన్ హైతమ్ చూపుతున్న ప్రత్యేక శ్రద్ధకు ఈ నిర్ణయం నిదర్శనమని అధికారిక ప్రకటనలో తెలిపారు.  ప్రవక్త జన్మదినం ప్రాముఖ్యతను దృష్టిలో ఉంచుకుని, కరుణ, మానవతా దృక్పథంతో ఈ ప్రత్యేక క్షమాభిక్షను జారీ చేసినట్లు వెల్లడించారు.