100 డాలర్ల విలువైన ఫేక్‌ బిల్స్‌ని సర్క్యులేట్‌ చేస్తున్న నేరానికిగాను నైజీరియాకి చెందిన వ్యక్తిని పోలీసులు అదుపులోకి తీసుకున్నారు. 43 ఏళ్ళ నిందితుడు విజిట్‌ వీసాపై వచ్చాడు. కస్టమ్స్‌ వద్ద 1 మిలియన్‌ డాలర్లు సీజ్‌ చేయబడ్డాయనీ, 2,600 డాలర్లు ఉంటే దాన్ని క్లియర్‌ చేసుకోవచ్చని చెబుతూ ఓ మహిళను మోసం చేశాడు. పోలీసులు విచారణ జరిపి నిందితుడ్ని అరెస్టు చేసి, న్యాయస్థానానికి తరలించారు. దుబాయ్‌ కోర్ట్‌ ఆఫ్‌ ఫస్ట్‌ ఇన్‌స్టాన్స్‌, నిందితుడికి 5,000 దిర్హామ్‌ల ఫైన్‌ విధించింది. ఏడాది జైలు శిక్ష అనంతరం నిందితుడ్ని డిపోర్ట్‌ చేయాల్సిందిగా న్యాయస్థానం ఆదేశించింది. ఫేస్‌ బుక్‌ ద్వారా ఓ మహిళతో బాధితురాలికి నిందితుడు వల వేశాడు. బాధిత మహిళ, నిందితుడికి 2,600 డాలర్లు చెల్లించినట్లు పేర్కొంది. కొన్ని పత్రాలపై సంతకాల కోసం నిందితుడు తనపై ఒత్తిడి తీసుకురాగా, తాను నిరాకరించినట్లు తెలిపిందామె. న్యాయస్థానం ఇచ్చిన తీర్పుపై అపీల్‌ చేసుకోవడానికి నిందితుడికి అవకాశం ఉంది.