నార్మల్‌గా విమానం ప్రమాదం జరిగితే ఒక్కరూ బయటపడరు.. కానీ ఆకాశంలో రెండు విమానాల మధ్య ప్రమాదమైతే ఇంకేమైనా వుందా? అలాంటివి ఊహించుకుంటేనే ఒళ్లు జలదరిస్తుంది. అలాంటి ఘటన నుంచి విమానాన్ని కాపాడింది టీసీఏఎస్. ఈనెల 11న జరిగిన ఈ ఘటన లోతుల్లోకి వెళ్తే.. చెన్నై నుంచి హైదరాబాద్‌కు వస్తున్న ఓ స్పైస్ జెట్ విమానం 34 వేల అడుగుల ఎత్తులో ప్రయాణించాలని పైలట్‌కు ఎయిర్‌పోర్టు్ నుంచి ఆదేశాలు వెళ్లగా, దాన్ని విస్మరించిన పైలట్ 35,400 అడుగుల ఎత్తులో వెళ్లాడు. అదేదారిలో 36 వేల అడుగుల ఎత్తున దుబాయ్ నుంచి బ్రిస్బేన్ వెళుతున్న ఎమిరేట్స్ విమానం వస్తోంది. దీన్ని గమనించిన టీసీఏఎస్ (ట్రాఫిక్ కొల్లిజన్ ఎవాయిడెన్స్ సిస్టమ్) హెచ్చరించడంతో పెను ప్రమాదం తప్పింది.