తెలుగు, తమిళం, హిందీ భాషల్లో సంచలన విజయం సాధించిన చిత్రం 'బాషా'. వసూళ్ల రికార్డులతో సునామీ సృష్టించిన రజనీకాంత్‌ 'బాషా' చిత్రాన్ని డిజిటల్‌ ఫార్మెట్‌ రూపంలో మరోమారు ప్రేక్షకుల ముందుకు తీసుకొచ్చేందుకు నిర్మాత టి.జి.త్యాగరాజన్‌ సన్నాహాలు చేస్తున్నారు. ప్రస్తుతం ఈచిత్రానికి సంబంధించి సంగీత దర్శకుడు దేవా ఆధ్వర్యంలో డిటిఎస్‌ జరుగుతోంది. నెగటివ్‌ నుంచి డిజిటల్‌ ఫార్మెట్‌లోకి మారుస్తున్నారు. అత్యాధునిక సౌండ్‌ సిస్టమ్‌ 5.1 సరౌండ్‌ సౌండ్‌తో డిజిటలైజేషన్‌ చేస్తున్నట్టు టి.జి.త్యాగరాజన్‌ తెలిపారు. 21 ఏండ్ల తర్వాత మళ్లీ 'బాషా' చిత్రం విడుదలవుతుండటంతో అభిమానులు, ప్రేక్షకులు సంతోషం వ్యక్తం చేస్తున్నారు.