మనామా: బహ్రెయిన్‌లో ఒకే కుటుంబానికి చెందిన నలుగురు ఆసియా దేశస్థులు నివాసంలో మృతిచెందిన ఘటన కలకలం రేపింది. ఆదివారం వారి నివాసంలో నాలుగు మృతదేహాలను గుర్తించినట్లు పోలీసులు తెలిపారు. అయితే, ఈ మరణాల వెనుక నేరపూరిత చర్యలు ఉండవచ్చని ప్రాథమిక విచారణలో అనుమానాలు వ్యక్తమైనట్లు బహ్రెయిన్ అంతర్గత వ్యవహారాల మంత్రిత్వ శాఖ ‘ఎక్స్‌’ (X) వేదికగా వెల్లడించింది. ఘటనపై జనరల్ డైరెక్టరేట్ ఆఫ్ క్రిమినల్ ఇన్వెస్టిగేషన్ అండ్ ఫోరెన్సిక్ సైన్స్ అధికారులు దర్యాప్తు ప్రారంభించారు. మరణాలకు గల ఖచ్చితమైన కారణాలు, ఘటనకు సంబంధించిన ఇతర వివరాలు ఇంకా వెల్లడికావాల్సి ఉంది.