మస్కట్: ఒమన్‌లోని హఫీత్ (Hafit) సరిహద్దు చెక్‌పోస్టు వద్ద కస్టమ్స్ అధికారులు స్టార్‌లింక్ పరికరాల అక్రమ రవాణా యత్నాన్ని భగ్నం చేశారు. వాహనంలో ప్రత్యేకంగా ఏర్పాటు చేసిన రహస్య అరల్లో దాచిపెట్టి తరలిస్తున్న 40 స్టార్‌లింక్ పరికరాలు, 10 ప్రత్యేక బేస్ యూనిట్లను అధికారులు స్వాధీనం చేసుకున్నారు.

వీటితో పాటు ఎలాంటి ప్రకటన చేయకుండా తరలిస్తున్న మరో ఏడు పాత మొబైల్ ఫోన్లను కూడా గుర్తించి స్వాధీనం చేసుకున్నారు. ఈ అక్రమ రవాణా యత్నానికి పాల్పడిన వారిపై చట్టపరమైన చర్యలు తీసుకునే ప్రక్రియను ప్రారంభించినట్టు అధికారులు తెలిపారు.