భాగ్యనగరం లో బుధవారం ఉదయం భారీగా వర్షం కురుస్తోంది. దీంతో లోతట్టు ప్రాంతాలు జలమయమయ్యాయి. ఖైరతాబాద్, మక్తా, బోలక్‌పూర్, రాణిగంజ్, అడ్డగుట్ట, ఇందిరాపర్కు కాలనీ, అంబర్‌పేట, అశోక్‌నగర్, నల్లకుంట తదితర ప్రాంతాల్లోని లోతట్టు ప్రాంతాలు జలమయమయ్యాయి. అలాగే జూబ్లీహిల్స్ చెక్‌పోస్టు నుంచి మాదాపూర్ పెట్రోల్ బంకు వరకు ప్రధాన రహదారిపై వర్షపు నీరు భారీగా నిలిచిపోయింది. దీంతో వాహనచోదకులకు తీవ్రంగా ఇబ్బంది పడ్డారు. స్రస్తుతం నగరంలోని మలక్‌పేట్‌, దిల్‌సుఖ్‌నగర్‌, ఎల్బీనగర్‌, హయత్‌నగర్‌, కొత్తపేట్‌, వనస్థలిపురం బీఎన్‌రెడ్డినగర్‌లలో వర్షం కురస్తోంది. అలాగే అబిడ్స్‌, నాంపల్లి, అమీర్‌పేట్‌, మాదాపూర్‌, మెహిదీపట్నం, బంజారాహిల్స్‌, గచ్చిబౌలి, తార్నాక, లాలాపేట్‌, నాచారం ప్రాంతాల్లో కూడా వర్షం కురుస్తోంది.