సూర్య హీరోగా విఘ్నేష్‌ శివన్‌ దర్శకత్వంలో ఓ చిత్రం తెరకెక్కనుందని ఇటీవల గుసగుసలు వినిపించాయి. నయనతార, విజయ్‌ సేతుపతి జంటగా విఘ్నేష్‌ దర్శకత్వంలో విడుదలైన 'నేనూ రౌడీనే' చిత్రం నచ్చి సూర్య ఆయన దర్శకత్వంలో నటించాలని భావించినట్లు చెప్పుకొచ్చారు. అయితే వీటిని నిజం చేస్తూ.. దర్శకుడు విఘ్నేష్‌ శివన్‌ ట్వీట్‌ చేశారు. సూర్యతో సినిమా తీయడం చాలా ఎగ్జైటింగ్‌గా ఉందని పేర్కొన్నారు. 2డీ ఎంటర్‌టైన్‌మెంట్‌ ప్రై.లి, స్టూడియో గ్రీన్‌ పతాకంపై నిర్మిస్తున్న ఈ చిత్రానికి అనిరుధ్‌ స్వరాలు అందిస్తున్నట్లు తెలిపారు. దీన్ని సూర్య రీట్వీట్‌ చేస్తూ.. గుర్తుండిపోయే చిత్రాన్ని తీద్దామన్నారు.సూర్య కథానాయకుడిగా రూపుదిద్దుకుంటున్న 'సింగం-3' చిత్రం షూటింగ్‌ ఇటీవల పూర్తయింది. ఈ చిత్రంలో అనుష్క, శ్రుతిహాసన్‌ ప్రధాన పాత్రలు పోషిస్తున్నారు. హరి ఈ చిత్రానికి దర్శకత్వం వహిస్తున్నారు.