యువ నటుడు ధనుష్ హాలీవుడ్ ప్రవేశానికి రంగం సిద్ధం అయ్యిందన్నది తాజా సమాచారం. ఈయన ఒక ఆంగ్ల చిత్రంలో నటించనున్నట్లు ఇంతకు ముందే ప్రచారం జరిగిన విషయం తెలిసిందే. అయితే ఆ చిత్రం ఎప్పుడు సెట్స్‌పైకి వెళ్లనుందన్న సమాచారం లేదు. ధనుష్ ప్రస్తుతం తమిళ చిత్రాలలో నటుడిగా, నిర్మాతగా, దర్శకుడిగా చాలా బిజీగా ఉన్నారు. ఆయన నటించిన తొడరి సెన్సార్ కార్యక్రమాలు పూర్తి చేసుకుని ఈ నెల 22న తెరపైకి రానుంది. ఆ వెంటనే కొడి చిత్రం విడుదలకు సిద్ధం అవుతోంది. ప్రస్తుతం వెట్ట్రిమారన్ దర్శకత్వంలో వడచెన్నై చిత్రంలో నటిస్తున్నారు.మరో పక్క మెగాఫోన్ పట్టి రాజ్‌కిరణ్ కథానాయకుడిగా పవర్ పాండి చిత్రాన్ని తెరకెక్కిస్తున్నారు.a