ఈద్‌ అల్‌ అదా సెలబ్రేషన్స్‌లో భాగంగా అహ్మద్‌ స్క్వేర్‌ - సౌక్‌ వకిఫ్‌లో జరుగుతున్న కల్చరల్‌ ఈవెంట్స్‌ ఆహూతుల్ని విశేషంగా ఆకట్టుకుంటున్నాయి. ఈద్‌ తొలి రోజున ప్రారంభమైన ఈ ఈవెంట్స్‌ శుక్రవారం వరకు కొనసాగుతాయి. ప్రతిరోజు సాయంత్రం 4 గంటల నుంచి రాత్రి 10.30 నిమిషాల వరకు ఈ ఈవెంట్స్‌ నిర్వహిస్తున్నారు. జిసిసి దేశాల నుంచి కూడా ఈ సెలబ్రేషన్స్‌ని తిలకించేందుకు పెద్ద సంఖ్యలో టూరిస్టులు విచ్చేస్తుండడంతో ప్రాంగణమంతా కొత్త కళు సంతరించుకుంది. సంప్రదాయ అరబ్‌ కల్చర్‌ని ప్రతిబింబించేలా నిర్వహిస్తున్న సాంస్కృతిక కార్యక్రమాలు చాలా బాగున్నాయని పర్యాటకులు చెబుతున్నారు. ఈ ఈవెంట్‌లో పలు సంప్రదాయ కార్యక్రమాల్ని నిర్వహిస్తున్నారు. సంప్రదాయ అరబిక్‌ పాటలు, మరియు నృత్యాలతో ఆహూతులు ఆనందోత్సాహాల్లో మునిగి తేలుతున్నారు. ఇంకో వైపున సమీపంలోని రెస్టారెంట్స్‌ నిత్యం రద్దీగా మారిపోతున్నాయి వినియోగదారులతో. ఖతార్‌ టూరిజం అథారిటీ సహకారంతో ఈ కార్యక్రమాల్ని అంగరంగ వైభవంగా నిర్వహిస్తున్నారు.