కావలసిన పదార్థాలు: టమోటో - 1, క్యాప్సికం - 1, ఉల్లికాడ - 1, అన్నం - 1 క ప్పు, మామిడిపండు గుజ్జు - అరకప్పు, నిమ్మరసం - 1 టీ స్పూను, ఆలివ్‌ నూనె - 3 టేబుల్‌ స్పూన్లు (వేడి చెయ్యకపోయినా ఇది బాగానే ఉంటంది) ఉప్పు, మిరియాలపొడి - రుచికి తగినంత, కొత్తిమీర - 1 కట్ట.

తయారుచేసే పద్ధతి: టమోటో, క్యాప్సికంలను గింజలు తీసేసి చిన్న ముక్కలుగా తరిగి ఉంచుకోవాలి. ఉల్లికాడని సన్నని చక్రాల్లా తరిగి అన్నంలో కలపాలి. మామిడి గుజ్జులో మిరియాలపొడి, ఉప్పు, నూనె, నిమ్మరసం వేసి చిక్కగా తయారుచేయాలి. దీన్ని అన్నంలో వేసి బాగా కలిపి రిఫ్రిజిరేటర్‌లో అరగంట ఉంచి తినే ముందు కొత్తిమీరతో అలంకరించుకోవాలి. ఇది కొద్ది తీపిగా, కొద్ది పులుపుగా, కొద్ది కారంగా కొత్త రుచిగా అనిపిస్తుంది.