మస్కట్‌: రోడ్లకు ఇరు వైపులా పబ్లిక్‌ ప్లేసెస్‌లో 'కార్‌ ఫర్‌ సేల్‌' అంటూ సెకెండ్‌ హ్యాండ్‌ కార్లను ప్రదర్శనకు ఉంచేవారిపట్ల కఠినంగా వ్యవహరించనున్నారు. రెండు వారాల గడువు ఇచ్చి, అలాంటి వాహనాల్ని తీసివేయాల్సిందిగా ఆదేశాలు జారీ చేయడంతో, ముందస్తుగానే చాలా చోట్ల రోడ్లపైనుంచి కార్లు ఖాళీ అవుతున్నాయి. దాంతో ఇప్పటిదాకా కార్ల డిస్‌ప్లేతో నిండిపోయిన రోడ్లు, పలు వీధులు ఇప్పుడు క్లీన్‌గా కనిపిస్తున్నాయని నివాసితులు చెప్పడం జరుగుతోంది. రాయల్‌ ఒమన్‌ పోలీసులతో కలిసి మస్కట్‌ మునిసిపాలిటీ, రోడ్లపై కనిపించే 'కార్‌ ఫర్‌ సేల్‌' వాహనాలకు నోటీసులు అంటిస్తున్నారు. ముందుస్తుగా ఈ నోటీసులను పసిగట్టి, వాహనాలు తొలగిస్తే సరే సరి, లేదంటే వాహనం టౌల్‌ చేయబడుతుంది. టౌలింగ్‌ ఖర్చు 25 నుంచి 50 ఒమన్‌ రియాల్స్‌తోపాటు, జరీమానాగా 200 ఒమన్‌ రియాల్స్‌ చెల్లించవలసి ఉంటుంది వాహన యజమానులు. టౌలింగ్‌ చేసిన తర్వాత కూడా వాహనాన్ని తీసుకెళ్ళేందుకు రాకపోతే, కొన్నాళ్ళపాటు వేచి చూసి, వాహనాన్ని వేలం వేస్తారు. ఈ హెచ్చరికలతో ఒక్కసారిగా అంతా అప్రమత్తమయ్యారు. చాలావరకు రోడ్లు ఇప్పుడు కార్‌ ఫల్‌ సేల్‌ వాహనాలు లేకుండా క్లీన్‌గా కనిపించడం ఆహ్వానించదగ్దదే.