తెలంగాణ, ఆంధ్రప్రదేశ్‌లో మళ్లీ భారీ వర్షాలు. నేడు, రేపు ఈ రెండు రాష్ర్టాల్లో ఓ మోస్తరు నుంచి భారీ వర్షాలు పడే అవకాశం వుందని హైదరాబాద్‌ వాతావరణ కేంద్రం తెలిపింది. పశ్చిమ మధ్య బంగాళాఖాతంలో ఏర్పడిన ఉపరితల ఆవర్తనం కారణంగా ఆయా రాష్ట్రాల్లో నైరుతి రుతుపవనాలు చురుగ్గా కదులుతున్నాయి. వర్షాలొస్తే చాలు హైదరాబాద్ వాసులు బెంబేలెత్తుతున్నారు.
నాలాలు పొంగి ప్రవహించడంతో రోడ్లపైకి నీరు చేరుతోంది.. ఇంకోవైపు ట్రాఫిక్ జామ్. మళ్లీ వర్షాలు పడతాయని తెలియగానే భయంతో వణికిపోతున్నాడు. సోమవారం తెలంగాణతోపాటు ఏపీలోనూ ఉదయం నుంచి సాయంత్రం వరకు వర్షాలు కురిశాయి. వరంగల్‌లో 6 సెంటీమీటర్లు, ఏపీ సగటున 7 సెంటీమీటర్ల చొప్పున వర్షపాతం నమోదయ్యింది.