ఈ తరం కథానాయకులకి పూర్తి భిన్నమైన పంథాలో కథల్ని ఎంచుకుంటూ విజయాలు సొంతం చేసుకుంటున్నారు విజయ్‌ ఆంటోనీ. సంగీత దర్శకుడిగా రాణిస్తున్న సమయంలో హీరోయిజంపై మనసు పారేసుకున్న ఆంటోనీ... తనలోని ప్లస్‌, మైన్‌సలను తెలుసుకుని తన బాడీలాంగ్వేజ్‌కి తగ్గ కథల్ని ఎంచుకుంటూ కోలీవుడ్‌లో తనకంటూ ప్రత్యేక స్థానం సంపాదించుకున్నారు. 'నాన', 'సలీమ్‌', 'పిచ్చైకారన్' చిత్రాలతో భిన్నమైన నటుడిగా నిలిచారు. ఈ జాబితాలో వస్తున్న మరో చిత్రం 'సైతాన్'. ఇందులోను ఒక వైవిధ్యమైన కథని ప్రేక్షకుల ముందుకు తీసుకురాబోతున్నారు. సస్పెన్స్, యాక్షన, ఫ్యామిలీ సెంటిమెంట్‌, థ్రిల్లర్‌ ప్రధానంగా తెరకెక్కుతోంది.షూటింగ్‌ పూర్తి చేసుకుని, విడుదలకు సిద్ధమవుతున్న ఈ చిత్రం టీజర్‌ను సోమవారం విడుదల చేయగా, వీక్షకుల నుండి అనూహ్య స్పందన లభించింది. ప్రదీప్‌ కృష్ణమూర్తి దర్శకత్వం వహిస్తున్న 'సైతాన్'ను విజయ్‌ ఆంటోనీ ఫిలిం కార్పొరేషన్ బ్యానర్‌పై విజయ్‌ ఆంటోనీ సొంతంగా నిర్మిస్తున్నారు. ఆరా సినిమాస్‌ బ్యానర్‌పై దీపావళికి 'సైతాన్' ప్రేక్షకుల ముందుకు రానున్నాడు.