మద్దిలపాలెం సీఎంఆర్‌ సెంటర్‌లో గురువారం సాయంత్రం 'వీడు గోల్డ్‌ ఎహే' చిత్రంలో 'కోపాలెందుకు.. బాబోయ్‌' అనే రెండో పాట ఆడియోను యూనిట్‌ సభ్యులు విడుదల చేశారు. ఈ సందర్భంగా కథానాయకుడు సునీల్‌ మాట్లాడుతూ తాను నటించిన 'మర్యాద రామన్న' చిత్రం కన్నా ఈ చిత్రం ప్రేక్షకుల మన్ననలు పొందుతుందని ఆశాభావం వ్యక్తం చేశారు. కుటుంబ సభ్యులు అందరూ కలిసి చూడదగిన చిత్రమని, ఈ చిత్రంసరికొత్త కోణంలో ఉంటుందని తెలిపారు. కార్యక్రమంలో సినీనటి రిచా పటేల్‌, దర్శకుడు వీరు, చిత్రం యూనిట్‌ సభ్యులు బెనర్జీ, చరణ్‌దీప్‌, తదితరులు పాల్గొన్నారు.