మనామా: అసభ్యకరంగా ప్రవర్తిస్తున్నారనే ఆరోపణలతో 54 మందిని అరెస్ట్‌ చేశారు పోలీసులు. అరెస్టయినవారంతా సనాద్‌లోని స్విమ్మింగ్‌ పూల్‌ వద్ద 'హోమో సెక్సువల్‌ పార్టీ'ని ఏర్పాటు చేసుకున్నారు. దీనికి సంబంధించిన సమాచారం అందుకోగానే, పోలీసులు అక్కడికి చేరుకుని వారిని అరెస్ట్‌ చేశారు. అరెస్టయిన 54 మందిలో కొందరు మహిళలు ధరించే దుస్తుల్ని, అలాగే మహిళల్లా మేకప్‌ వేసుకుని ఉన్నారు. అభ్యంతకర రీతిలో వ్యవహరిస్తున్నారనే ఆరోపణల మేరకు వీరిని అరెస్ట్‌ చేయడం జరిగిందని అధికారులు వెల్లడించారు. పబ్లిక్‌ ప్రాసిక్యూషన్‌ అనుమతి తీసుకుని ఈ దాడుల్ని నిర్వహించారు.