తమిళ రాజకీయాల్లో సినిమా వాళ్ల ప్రమేయం ఎక్కువగా కనిపిస్తుంది. సినిమా ఇండస్ట్రీ నుంచి వచ్చి ముఖ్యమంత్రులు, మంత్రులు అయిన వారు కూడా ఉన్నారు. ఎమ్జీఆర్, జయలలిత లాంటి వారు ఈ కోవలోకే వస్తారు. తమిళ సినీ అభిమానులు కూడా వారి అభిమాన తారలు రాజకీయాల్లోకి వస్తే బ్రహ్మరథం పడతారు. అలాగే తమిళ సూపర్‌స్టార్ రజినీకాంత్ కూడా రాజకీయాల్లోకి రావాలని చాలా మంది అభిమానులే కోరుకొని ఉంటారు. అయితే రజినీ నుంచి కాని, కుటుంబ సభ్యుల నుంచి కాని దీనిపై స్పష్టమైన సమాధానాలు మాత్రం ఇప్పటికీ వినిపించలేదు. అయితే రజినీ సోదరుడు సత్యనారాయణ ఒక క్లారిటీ ఇచ్చారు. రజనీకాంత్‌ రాజకీయాల్లోకి వచ్చే ప్రసక్తే లేదని, ఆయన చిత్ర పరిశ్రమకే అంకితం అవుతారని స్పష్టం చేశారు.అయితే ఈ విషయంపై రజినీ ఏమంటారో చూడాలి మరి.