ఖతార్‌: మాల్‌ ఆఫ్‌ ఖతార్‌, 8000 కొత్త ఉద్యోగాల్ని నేషన్‌ వైడ్‌గా క్రియేట్‌ చేయనుంది. 500,000 చదరపు మీటర్ల వైశాల్యంలో 500కి పైగా షాపులతో, 100 రెస్టారెంట్లతో అద్భుతమైన మాల్‌ని 'మాల్‌ ఆఫ్‌ ఖతార్‌' నిర్వహిస్తోంది. దీంట్లో కొత్తగా పెద్ద సంఖ్యలో ఉద్యోగాల్ని కల్పించనున్నామని సిఇఓ అహ్మద్‌ అల్‌ ముల్లా తెలిపారు. సంప్రదాయ షాపింగ్‌కి భిన్నంగా అద్భుతమైన షాపింగ్‌ అనుభూతిని ఇచ్చేందుకు మాల్‌ ఆఫ్‌ ఖతార్‌ సంసిద్ధంగా ఉందని ఆయన వివరించారు. కొత్తగా 8000 ఉద్యోగాల్ని కల్పించడం ద్వారా ఖతార్‌ ఎకానమీ గ్రోత్‌లో తమవంతు భాగం పంచుకోనున్నట్లు వెల్లడించారాయన. మాల్‌ ఆఫ్‌ ఖతార్‌లో 19 స్క్రీన్లు గల సినీ ప్లెక్స్‌తోపాటు, ఐమాక్స్‌ని కలిగి ఉందనీ, ఈ ఐమాక్స్‌లో 12 ఛానెల్‌తో కూడిన స్పెషల్‌ సౌండ్‌సిస్టమ్‌, అలాగే 4డి ప్రొజెక్షన్‌ టెక్నాలజీతో ఏర్పాటు చేస్తున్నారు. షాపింగ్‌, ఎంటర్‌టైన్‌మెంట్‌ డెస్టిసనేషన్‌గా మాల్‌ ఆఫ్‌ ఖతార్‌ సరికొత్త రికార్డులు సృష్టిస్తోంది.