బాలీవుడ్‌లో విజయవంతమైన 'విక్కీ డోనర్‌' చిత్రానికి రీమేక్‌గా తెలుగులో తెరకెక్కించిన చిత్రం 'నరుడా డోనరుడా'. హీరో సుమంత్‌ కథానాయకుడిగా నటించిన ఈ చిత్రం ట్రైలర్‌ను సూపర్‌స్టార్‌ మహేశ్‌బాబు తన ట్విట్టర్‌ ద్వారా మంగళవారం విడుదల చేశారు. స్నేహితుడు సుమంత్‌కు, చిత్ర బృందానికి శుభాకాంక్షలు చెబుతూ వీడియో లింక్‌ను పోస్ట్‌ చేశారు. మల్లిక్‌ రామ్‌ దర్శకత్వం వహించిన ఈ చిత్రాన్ని రమా రీల్స్‌, ఎస్‌.ఎస్‌. క్రియేషన్స్‌ సంయుక్తంగా నిర్మించాయి. 'గోల్కొండ హైస్కూల్‌', 'వూహలు గుసగుసలాడే' చిత్రాలకు మల్లిక్‌ రామ్‌ సహాయ దర్శకుడిగా పనిచేశారు.