పాకిస్థాన్‌కు రష్యా గట్టి హెచ్చరిక చేసింది. పాక్ భూభాగంలో ఉగ్రవాద తండాలను నిరోధించాలని స్పష్టంగా చెప్పింది. శుక్రవారం రష్యా విదేశాంగ శాఖ విడుదల చేసిన ప్రకటనలో భారతదేశానికి మద్దతుగా నిలిచింది. పాకిస్థాన్ భూభాగంలో ఉగ్రవాద సంస్థల కార్యకలాపాలను నిలిపేసే విదంగా ఆ దేశం సమర్థంగా చర్యలు తీసుకుంటుందని ఆశిస్తున్నట్లు పేర్కొంది. ప్రస్తుతం ఉన్న సమస్యల పరిష్కారానికి రాజకీయ, దౌత్యపరమైన విధానాలను అనుసరించాలని, ఉద్రిక్తతలను పెరగనీయవద్దని హితవు పలికింది. భారత్, పాకిస్థాన్ మధ్య నియంత్రణ రేఖ వెంబడి తాజా పరిస్థితుల పట్ల ఆందోళన వ్యక్తం చేసింది.