నిత్యం వార్తల్లో నిలిచే రాయ్‌లక్ష్మి ఈ మధ్య కోలీవుడ్‌ సినిమాకు దూరమయ్యారు. 'అరన్మణై', 'సౌకారుపేట్టె' వంటి పలు సినిమాల్లో నటించి మెప్పించిన ఆమె హిందీ చిత్రాల్లో నటిస్తున్నారు. 'అకిరా', 'జూలి 2' సినిమాల్లో నటించారు. మరోవైపు మలయాళ చిత్రాల్లో కూడా నటిస్తున్నారు.

ఈ నేపథ్యంలో తాజాగా ఆమె తమిళంలో మాస్‌, యాక్షన్‌ హీరోయిన్‌గా కనిపించేందుకు సిద్ధమవుతున్నారు. 'గర్జనై' అనే సినిమాలో ఆమె ఈ పాత్ర పోషించారు. ఇందులో 'కల్యాణం ముందల్‌ కాదల్‌ వరై' ధారావాహికలో నటించే అమిత్‌ హీరోగా నటిస్తున్నారు. విలన్‌గా వంశీకృష్ణ నటిస్తున్నారు.

కథలోకి వెళితే.. ప్రేమికుడు అమిత్‌ను విలన్‌ హతమార్చడంతో.. రాయ్‌లక్ష్మి యాక్షన్‌ హీరోయిన్‌గా మారుతుందని సమాచారం. ఆ తర్వాత విలన్‌ను చంపి ఎలా పగ తీర్చుకుంటున్నదే కథ.

ప్రస్తుతం యాక్షన్‌ సన్నివేశాలకు సంబంధించిన చిత్రీకరణ జరుగుతోందని సమాచారం. ఓ పెద్ద బిల్డింగ్‌లో రోప్‌ సాయంతో ఆమె పోరాట సన్నివేశాలను చిత్రీకరిస్తున్నట్లు సంబంధిత వర్గాలు చెబుతున్నాయి. గ్లామర్‌ సన్నివేశాలకు కూడా ఈ సినిమాలో ఏమాత్రం కొదవుండదని తెలుస్తోంది.