తెలుగు సినీ అభిమానులలో మెగా ఫ్యామిలీతో పాటు, నందమూరి ఫ్యామిలీకు ప్రత్యేక గుర్తింపు ఉంది. ఈ ఫ్యామిలీ హీరోలతో ఎ.ఎస్.రవి కుమార్ చౌదరి ఓ మల్టీ స్టారర్ సినిమా తెరకెక్కించనున్నట్టు గతంలో వార్తలు వచ్చాయి. కె.ఎస్. రామారావు నిర్మాణంలో రూపొందనున్న ఈ చిత్రానికి తాజాగా టైటిల్ ఫిక్స్ చేసినట్టు ప్రచారం జరుగుతోంది .' రామకృష్ణ' అనే టైటిల్ తో తెరకెక్కనున్న ఈ చిత్రంలో కళ్యాణ్ రామ్ సరసన త్రిష నటించనుండగా, సాయిధరమ్ సరసన రెజీనా హీరోయిన్ గా నటించనున్నట్టు సమాచారం. ఇప్పటికే స్క్రిప్ట్ వర్క్ పూర్తి చేసుకున్న ఈ చిత్రం త్వరలోనే సెట్స్ పైకి వెళ్ళనుందట. కళ్యాణ్ రామ్ ప్రస్తుతం పూరీ జగన్నాథ్ తెరకెక్కించిన ఇజం చిత్ర ప్రమోషన్స్ లో బిజీగా ఉండగా, సాయిధరమ్ తేజ్, గోపిచంద్ మలినేని చిత్రీకరిస్తున్న మూవీ షూటింగ్ లో పాల్గొంటున్నాడు.