ఇళయదళపతి విజయ్ 60వ సినిమాగా వస్తున్న 'భైరవ' ఫస్ట్‌లుక్ పోస్టర్‌ను గణేశ్ చతుర్థిని పురస్కరించుకుని విడుదలచేయగా, టీజర్ ని దీపావళి కానుకగా విడుదల చేస్తున్నారు. అక్టోబర్ 28న 12.01ని.లకు ఈ టీజర్ విడుదల చేయనుండగా దీపావళి శుభాకాంక్షలతో విడుదలైన సినిమా థియేటర్లలోను ఈ టీజర్ ప్రదర్శితం కానుందట. ఈ సినిమా కోసం గతంలో చాలా పేర్లు తెరపైకి వచ్చినప్పటికీ ఎట్టకేలకు చిత్రయూనిట్ 'భైరవ' అనే టైటిల్‌ను ఖరారు చేసిన సంగతి తెలిసిందే. భరతన్ దర్శకత్వంలో తెరకెక్కుతున్న ఈ మూవీలో కీర్తి సురేష్, అపర్ణ వినోద్ హీరోయిన్లుగా నటిస్తున్నారు. ప్రముఖ టాలీవుడ్ నటుడు జగపతిబాబు విలన్‌గా కనిపించనున్నారు.