దుబాయ్‌ పోలీస్‌, ఎమిరేట్స్‌ పోస్ట్‌ గ్రూప్‌ - వాల్‌ స్ట్రీట్‌ ఎక్స్‌ఛేంజ్‌ మధ్య కుదిరినొప్పందంతో, ఇకపై ట్రాఫిక్‌ జరీమానాల్ని వాల్‌స్ట్రీట్‌ ఎక్స్‌ఛేంజ్‌లో కూడా చెల్లించడానికి మార్గం సుగమం అయ్యింది. కీబిస్‌ అనే సంస్థ, ఈ మేరకు సెల్ఫ్‌ సర్వీస్‌ కియోస్క్‌ (కీకియోస్క్స్‌)లను అందుబాటులోకి తెస్తోంది. యూఏఈలో పలు లొకేషన్లలో వీటిని నియమించి, వాహనదారుల నుంచి జరీమానాలు సేకరించి, దుబాయ్‌ పోలీసులకు అందజేస్తుంది. వాల్‌స్ట్రీట్‌ ఎక్స్‌ఛేంజ్‌ యాక్టింగ్‌ మేనేజింగ్‌ డైరెక్టర్‌ సుల్తాన్‌ అల్‌ మహమౌద్‌, కీబిఎస్‌ మేనేజింగ్‌ డైరెక్టర్‌ ఇబ్రహీమ్‌ దర్రాజ్‌ మధ్య ఈ మేరకు అగ్రిమెంట్‌ కూడా జరిగింది. జరీమానాల చెల్లింపుకు ఇదో సులభతరమైన మార్గమనీ, వినియోగదారులు తమ సేవల్ని వినియోగించుకోవాలని ఈ సందర్భంగా అల్‌ మహమౌద్‌ పిలుపునిచ్చారు. టెక్నాలజీ ద్వారా మెరుగైన సేవలను అందించేందుకు ఆస్కారం ఏర్పడుతుండడం అభినందించదగ్గ విషయమని ఆయన అన్నారు.