ఈజిప్టులోని ఇస్లామిక్ స్టేట్ ఉగ్రవాదులు దారుణానికి పాల్పడ్డారు. ఇద్దరు వ్యక్తులను మతాధికారులుగా పేర్కొంటూ, వారి తలలు నరికి హత్య చేశారు. బాధితుల ఫొటోలను ట్వీట్ చేశారు. అయితే స్థానికుల కథనం ప్రకారం బాధితులిద్దరూ సినాయ్‌లోని సూఫీ మత పెద్దలని, వారిని ఇస్లామిక్ స్టేట్ ఉగ్రవాదులు పొరపాటుగా వేరే మతస్థులుగా భావించారని తెలుస్తోంది. మృతుల్లో ఒకరు సూఫీ షేక్ సులేమాన్ హెరాజ్, మరొకరు షేక్ సయ్యద్ అబ్డీల్ ఫతాహ్ అని స్థానికులు చెప్తున్నారు.