కావలసిన పదార్థాలు: కాకరకాయలు (పొడుగ్గా ఉండాలి) - 6, శనగపిండి - వందగ్రాములు, ఎండు కొబ్బరికోరు - 1 కప్పు, జీలకర్ర పొడి -1 టీ స్పూను, కారం - 1 టీ స్పూను, ఉప్పు - రుచికి తగినంత, నూనె - వేగించడానికి సరిపడా.

తయారుచేసే విధానం: కాకరకాయల్ని శుభ్రంగా కడిగి, పొడిగా తుడిచి చివర్ల వరకూ వెళ్లకుండా మధ్యలో పొడుగ్గా (లోతుగా) గాటు పెట్టుకుని గింజలు తీసేయాలి. కడాయిలో కొద్దినూనె వేసి శనగపిండి, ఎండుకొబ్బరికోరు, కారం, జీలకర్ర పొడి వేగించి ఉప్పు కలపాలి. ఈ మిశ్రమాన్ని గాటుపెట్టిన కాకరకాయల్లో కూరాలి (విడిపోకుండా దారం కట్టుకోవచ్చు). కడాయిలో నూనె వేసి 3 కాయల చొప్పున (మూతపెట్టి) సన్నని సెగమీద దోరగా వేగించి, తర్వాత కట్టిన దారం విప్పేయాలి. వీటిని అన్నంతో కలుపుకున్నా, పప్పన్నంలో నంజుకున్నా చాలా బాగుంటాయి.