ప్రముఖ స్వదేశీ విమానయాన సంస్థ ఇండిగో.. స్పైస్‌జెట్‌ బాటలోనే పయనించింది. ప్రయాణికులకు తక్కువ ధరకే విమాన ప్రయాణాన్ని అందించేందుకు సరికొత్త ఆఫర్‌ను ప్రకటించింది. రూ.737 ప్రారంభ ధరకే టికెట్‌ విక్రయాలను జరుపుతోంది. ఈ నెల 24వరకు ఈ ఆఫర్‌ మీద టికెట్‌ విక్రయాలు జరుగుతాయని ఇండిగో ఓ ప్రకటన ద్వారా వెల్లడించింది. జనవరి 9, 2017 నుంచి అక్టోబర్‌ 28, 2017 మధ్య ఇప్పుడు తీసుకునే టికెట్లతో ప్రయాణాలు చేయవచ్చు. ఇండిగో వెబ్‌సైట్‌లో దీనికి సంబంధించిన వివరాలను పొందుపరిచామని, చెన్నై- కోయంబత్తూరు మార్గంలో ఈ ఆఫర్‌ వర్తిస్తుంది. వీటితో పాటు ఎయిర్‌ఏషియా అన్ని ఛార్జీలతో కలిసి రూ.899కే టికెట్‌ను విక్రయిస్తున్న ఆఫర్‌ ఈ నెల 27 వరకు ఉంది.