మినిస్ట్రీ ఆఫ్‌ కమ్యూనికేషన్స్‌, ల్యాండ్‌లైన్‌ ఫోన్ల నుంచి అంతర్జాతీయ కాలింగ్‌ రేట్లను తగ్గిస్తూ నిర్ణయం తీసుకుంది. కువైట్‌ నుంచి 247 దేశాలకు పైగా ఈ తగ్గింపు వర్తించనుంది. 15 శాతం వరకు ప్రస్తుత ఛార్జీలు తగ్గే అవకాశం ఉంది. జనవరి 2 నుంచి ఈ తగ్గించిన రేట్లు అమల్లోకి రానున్నాయి. మినిస్ట్రీ ఆఫ్‌ కమ్యూనికేషన్స్‌ అండర్‌ సెక్రెటరీ ఇంజనీర్‌ హమెద్‌ అల్‌ కత్తాన్‌ ప్రెస్‌ స్టేట్‌మెంట్‌లో స్టేట్‌ మినిస్టర్‌ ఫర్‌ హౌసింగ్‌ ఎఫైర్స్‌ అండ్‌ యాక్టిఇంగ్‌ మినిస్టర్‌ ఆఫ్‌ కమ్యూనికేషన్స్‌ యాసెర్‌ అబ్దుల్‌ ఇంటర్నేషనల్‌ కాలింగ్‌ ఛార్జీలపై నిర్ణయాన్ని ఆమోదించినట్లు పేర్కొన్నారు. అయితే అరబ్‌ మరియు జిసిసి దేశాల్ని ఈ నిర్ణయం నుంచి మినహాయించినట్లు తెలిపారు.