జెనెటిక్‌ డిసీజెస్‌కి స్క్రీనింగ్‌ అతి ముఖ్యం 
దుబాయ్‌: దుబాయ్‌ హెల్త్‌ అథారిటీ, న్యూ బోర్న్స్‌కి ఎర్లీ స్క్రీనింగ్‌ టెస్ట్‌లు చేయడం ద్వారా కొన్ని సమస్యలకు పరిష్కారం వెతకవచ్చునని పేర్కొంది. 30కి పైగా జెనెటిక్‌ డిసీజెస్‌ని ముందుగానే పసిగట్టగలిగితే, వాటికి వైద్యం సులభతరమవుతుందనీ, అదే సమస్యను కనుగొనడం ఆలస్యమైతే చికిత్స కష్టమవుతుందని డిహెచ్‌ఎ చెప్పింది. లతీఫా హాస్పిటల్‌ పీడియాట్రిక్‌ డిపార్ట్‌మెంట్‌ హెడ్‌, కన్సల్టెంట్‌ నియోనాటాలజిస్ట్‌ డాక్టర్‌ మొహమౌద్‌ అల్‌ హాలిక్‌ మాట్లాడుతూ, పుట్టిన తర్వాత 24 నుంచి 48 గంటల్లో స్క్రీనింగ్‌ టెస్ట్‌లు చేయడం ద్వారా మంచి ఫలితాలుంటాయని అన్నారు. తలసీమియా, సికెల్‌ సెల్‌ అనీమియా, సిస్టిక్‌ ఫైబ్రోసిస్‌ ఇంకా ఇతర అనేక డిసీజెస్‌ని ముందుగానే కనుగొనగలిగితే వైద్యం చాలా తేలికవుతుందని డాక్టర్‌ అల్‌ హాలిక్‌ చెప్పారు. లతీఫా హాస్పిటల్‌లో జన్మించినవారిలో నూటికి నూరుమందరికీ ఈ పరీక్షలు చేస్తామని ఆయన తెలిపారు. దీని కోసం ఓ డ్రాప్‌ ఆఫ్‌ బ్లడ్‌ సరిపోతుందని ఆయన అన్నారు.