మెగాస్టార్‌ చిరంజీవి కథానాయకుడిగా తెరకెక్కిన చిత్రం 'ఖైదీ నంబర్‌ 150'. ఇందులోని 'అమ్మడు..' అనే పాటను చిత్రం బృందం ఆదివారం విడుదల చేసింది. ఈ పాటను సంగీత దర్శకుడు దేవిశ్రీ ప్రసాద్‌ స్వయంగా రచించి ఆలపించారు. దేవిశ్రీ శైలికి తగినట్లుగానే పాట కూడా హుషారెక్కిస్తూ అభిమానులను అలరిస్తోంది. ఈ నెల 25న ఆడియోను జవనరి తొలివారంలో ప్రీ-రిలీజ్‌ వేడుకను నిర్వహించనున్నారు.
వి.వి.వినాయక్‌ దర్శకత్వం వహిస్తున్న ఈ చిత్రాన్ని కొణిదెల ప్రొడక్షన్‌ కంపెనీ పతాకంపై రామ్‌చరణ్‌ నిర్మిస్తున్నారు. సురేఖ కొణిదెల చిత్రాన్ని సమర్పిస్తున్నారు.