'హృదయ కాలేయం' చిత్రంతో ప్రేక్షకులను కడుపుబ్బా నవ్వించిన కథానాయకుడు సంపూర్ణేష్‌ బాబు. త్వరలో 'వైరస్‌' అనే చిత్రంతో ప్రేక్షకుల ముందుకు వచ్చేందుకు సిద్ధమవుతున్నాడు. నో వ్యాక్సిన్‌ ఓన్లీ టాక్సిన్‌ అనేది ఉప శీర్షిక. గీత్‌ షా, నిధిషా కథానాయికలుగా నటిస్తున్న ఈ చిత్రానికి ఎస్‌.ఆర్‌.కృష్ణ దర్శకత్వం వహిస్తున్నారు. సలీం ఎండీ, శ్రీనివాస్‌ మంగళ నిర్మాతలు. సంపూ సినిమా అంటే ప్రేక్షకులు నవ్వుకోవడానికే థియేటర్లకు వస్తారని, వారిని నవ్వించే బాధ్యత తమదేనని దర్శకుడు అన్నారు. సంపూర్ణేష్‌బాబు నటన, సంభాషణలు, స్టెప్పులు అలరిస్తాయన్నారు. త్వరలోనే టీజర్‌ను విడుదల చేయనున్నట్లు తెలిపారు.