సంచలన దర్శకుడు రాం గోపాల్ వర్మ వివాదాస్పద సినిమా 'వంగవీటి' ఇటీవలే సెన్సార్ బోర్డు ఫార్మాలిటీస్ పూర్తి చేసుకుంది. ఈ చిత్రానికి 'ఏ' సర్టిఫికెట్ లభించింది. మూవీలో అక్కడక్కడా అభ్యంతరకరంగా ఉన్న డైలాగులు, పదాలకు కత్తెర వేయాలి తప్ప.. ఇతర సీన్స్‌ని ఎడిట్ చేయాలని సెన్సార్ బోర్డు సూచించలేదని తెలుస్తోంది.
'వంగవీటి' మూవీ విజయవాడలో మళ్ళీ కులతత్వాన్ని, అశాంతిని రెచ్చగొట్టవచ్చునన్న భయాందోళనల నేపథ్యంలో వర్మ ఈ మధ్య వంగవీటి, దేవినేని కుటుంబాలను కూడా కలుసుకుని వారి అనుమానాలను నివృత్తి చేసే ప్రయత్నం చేశాడు. అటు వంగవీటి రాధా అనుచరులు, మద్దతుదారులు కూడా గతంలో జరిగిన రాజకీయ ఘటనలను వక్రీకరిస్తే తీవ్ర పరిణామాలుంటాయని వర్మను హెచ్చరించిన సంగతి తెలిసిందే.