కాల్ డ్రాప్ సమస్యలు త్వరలో తీరనున్నాయి. దీనిపై ప్రత్యేక దృష్టి పెట్టిన కేంద్రం ఓ కీలక ప్రకటన చేయనుంది. కాల్ డ్రాప్ సమస్యలపై ఫిర్యాదుకు ప్రత్యేక టోల్ ఫ్రీ నెంబర్ 1955 ను టెలికామ్ మంత్రిత్వ శాఖ ప్రవేశపెట్టనుంది. ఎంటీఎన్‌ఎల్ ఆధ్వర్యంలో నిర్వహించే ఈ టోల్ ఫ్రీ నెంబర్‌కు ఐవీఆర్ఎస్ ద్వారా వినియోగదారులు కంప్లైంట్ చేయవచ్చు. 1955 టోల్ ఫ్రీ నెంబర్‌కు టెలికామ్ సంస్థలు విధిగా కట్టుబడి ఉండాలని, వినియోగదారులకు ఆ మేరకు సేవలు అందించాలని కేంద్ర టెలికామ్ మంత్రిత్వ శాఖ ఇప్పటికే స్పష్టం చేసింది.