పవర్ స్టార్ పవన్ కళ్యాణ్ ఒకవైపు రాజకీయాలతో బిజీగా ఉంటూనే మరో వైపు తాను చేసే సినిమాలకు సంబంధించిన అన్ని విషయాలపై ప్రత్యేక దృష్టి సారిస్తున్నట్టుగా తెలుస్తోంది. ప్రస్తుతం డాలీ దర్శకత్వంలో కాటమరాయుడు అనే చిత్రాన్ని చేస్తోన్న పవన్, ఈ మూవీ తర్వాత మరో రెండు సినిమాలను మొదలు పెట్టనున్నాడు. మాటల మాంత్రికుడు త్రివిక్రమ్ సినిమా చేస్తూనే సైమల్ టేనియస్ గా తమిళ దర్శకుడు ఆర్ టీ నీసన్ దర్శకత్వలో వేదాళం కి రీమేక్ గా ఓ చిత్రం చేయనున్నాడు. 2017లో సెట్స్ పైకి వెళ్ళనున్న ఆర్ టీ నీసన్ చిత్రం సమ్మర్ కి రిలీజ్ కానుందనే టాక్ వినిపిస్తోంది. ఇప్పటికే ఈ చిత్రానికి సంబంధించి మ్యూజిక్ సిట్టింగ్స్ మొదలు కాగా, నటీనటుల ఎంపిక కూడా శరవేగంగా జరుగుతోంది.
 
నీసన్ తెరకెక్కించనున్న చిత్రం అన్నా చెల్లెళ్ళ సెంటిమెంట్ ప్రధానాంశంగా ఉంటుందని తెలుస్తోండగా, ఇందులో పవన్ చెల్లెలిగా జెంటిల్మెన్ ఫేం నివేదా థామస్ ని ఎంపిక చేసినట్టు వార్తలు వచ్చాయి. దీనిపై ఈ యంగ్ బ్యూటీ తన ట్విట్టర్ ద్వారా సమాధానం ఇచ్చింది. పవన్ చెల్లెలిగా నేను నటిస్తున్నాననే వార్త అబద్దం అని స్పష్టం చేసింది. నివేదా థామస్ ప్రస్తుతం డెబ్యూ డైరెక్టర్ శివ దర్శకత్వంలో తెరకెక్కనున్న చిత్రంలో నాని సరసన కథానాయికగా నటిస్తోంది.