హరి దర్శకత్వంలో సూర్య నటించిన కొత్త చిత్రం 'ఎస్‌ 3'. గతంలో విడుదలైన 'సింగం' చిత్రానికి మూడో సీక్వెల్‌ ఇది. అంతర్జాతీయ స్థాయిలో ఈ చిత్రాన్ని విడుదల చేయాలని నిర్మాణ సంస్థ సన్నాహాలు చేస్తోంది. నిజానికి ఈ సినిమాను డిసెంబరు ఆరంభంలో విడుదల చేయాలని అనుకున్నారు. కొన్ని కారణాల వల్ల వాయిదా పడింది. ఆ తర్వాత డిసెంబరు 23న తెరపైకి తీసుకురావాలని భావించారు. అదీ మారడంతో సంక్రాంతి బరిలోకి తీసుకెళ్లారు. ఇప్పుడు ఆ తేదీలోనూ మార్పు వచ్చినట్లు సమాచారం. ఇప్పుడు ఈ చిత్రాన్ని గణతంత్ర దినోత్సవం సందర్భంగా జనవరి 26న విడుదల చేయనున్నట్లు వార్తలు వినిపిస్తున్నాయి.

సంక్రాంతి రోజున పలు సినిమాలు విడులవుతున్నందున వాయిదా పడిందని సమాచారం. ఒకట్రెండు రోజుల్లోనే అధికారికంగా ప్రకటించనున్నారు. దీంతో సూర్య అభిమానులు నిరాశకు గురవుతున్నారు.