నగరంలోని రోడ్లు, కూడళ్ళలో పెద్ద పెద్ద హోర్డింగులు, కటౌట్లతో నిండిపోయి వుంటుంది. ఇకపై ఇలాంటి వాటికి చెక్ పెట్టనుంది హైదరాబాద్ జీహెచ్‌ఎంసీ.  ఎవరైనా నిబంధనలకు విరుద్ధంగా హోర్డింగులు ఏర్పాటు చేస్తే వారిపై కఠిన చర్యలు, జరిమానా విధిస్తామని కమిషనర్ జనార్ధన్ రెడ్డి పేర్కొన్నారు.  ఈ అంశంపై అఖిలపక్ష సమావేశం నిర్వహించగా తెలుగుదేశం పార్టీ, సీపీఎం పార్టీలు ఈ నిర్ణయాన్ని వ్యతిరేకించాయి. మేయర్ బొంతు రామ్మోహన్ మాట్లాడుతూ అన్ని రాజకీయ పార్టీలు జీహెచ్‌ఎంసీ తీసుకున్న నిర్ణయానికి మద్దతు తెలపాలని కోరారు. ప్రజల్లో కూడా చైతన్యం తీసుకువచ్చేందుకు మరిన్ని అవగాహన కార్యక్రమాలు చేపడతామన్నారు. ఇప్పటికే అధికారులకు, స్థానిక నేతలకు అవగాహన కల్పించామని కమిషనర్ తెలిపారు.