జనసేన అధినేత, పవర్ స్టార్ పవన్ కళ్యాణ్ అగ్ని పర్వతంలాంటి వాడని, అప్పుడప్పుడు గుడగుడలాడే లావాలా పొగ వదులుతుంటాడని అన్నాడు సంచలన దర్శకుడు రాం గోపాల్ వర్మ. సమయం వచ్చినప్పుడు భారీ విస్ఫోటనంలా పవన్ పేలతాడని వ్యాఖ్యానించాడు. ప్రస్తుత రాజకీయ పరిణామాలను పవన్ చురుగ్గా గమనిస్తున్నాడు.. వచ్చే ఎన్నికల్లో సంచలనం సృష్టిస్తాడు.. ఆ దమ్ము అతనికి ఉంది అని వర్మ పేర్కొన్నాడు.

జయలలిత స్నేహితురాలు శశికళ జీవితంపై వచ్చే ఏడాది సినిమా తీస్తానని వర్మ తెలిపాడు. కొన్నేళ్లుగా జయ వెనక ఉండి రాజకీయాల్లో పరోక్షంగా కీలక పాత్ర పోషించిన శశికళలో ఏదో విషయం ఉందనేగా అన్నాడు. మెగాస్టార్ చిరంజీవికి తానో పెద్ద అభిమానినని, ఆయన 150 వ చిత్రం ఖైదీ నెం.150 బాహుబలిని మించిన చిత్రం అవుతుందని ఆశించానని, కానీ ఆయన ఓ రీ-మేక్ సినిమాతో అభిమానుల ముందుకొస్తాడని ఊహించలేదని వర్మ కామెంట్ చేశాడు.