మస్కట్‌: రెండవ మున్సిపల్‌ కౌన్సిల్‌ ఎలక్షన్స్‌ ఆదివారం సుల్తానేట్‌లోని పలు కేంద్రాల్లో జరగనుంది. ఉదయం 7 గంటల నుంచి సాయంత్రం 7 గంటల వరకు ఓటింగ్‌ జరుగుతుంది. ఫలితాలు రాత్రి 10 గంటలకు వెల్లడయ్యే అవకాశం ఉంది. ఫలితాలు ఎలక్షన్‌ వెబ్‌సైట్‌లోనూ, మొబైల్‌ యాప్‌లోనూ లభ్యమవుతాయి. 107 ఎన్నికల కేంద్రాల్లో ఓటర్లు తమ ఓటు హక్కును వినియోగించుకోవచ్చు. 11 మున్సిపల్‌ కౌన్సిల్స్‌కి సంబంధించి 202 మంది మెంబర్స్‌ని ఈ ఎన్నికల్లో ఎన్నుకుంటారు. మొత్తం 731 మంది అభ్యర్థులు బరిలో నిలవగా, అందులో 23 మంది మహిళలు. ఎన్నిక నేపథ్యంలో మినిస్ట్రీ ఆఫ్‌ ఇంటీరియర్‌ వద్ద అండర్‌ సెక్రెటరీ నేతృత్వంలో సమావేశం జరిగింది.