యువ కథనాయకుడు శివకార్తికేయన్‌తో నటించడానికి అగ్రతారలు వరుసకడుతున్నారు. ఇతని సరసన మొదటిసారి హన్సిక నటించగా.. తర్వాత ఇతర అగ్ర కథానాయికలు నటించడానికి ఆసక్తి చూపారు. ప్రస్తుతం మోహన్‌రాజా దర్శకత్వంలో శివకార్తికేయన్‌ నటిస్తున్న చిత్రంలో నయనతార నటిస్తోంది. తర్వాత 'రుత్తపడాద వాలిబర్‌ సంఘం', 'రజినీ మురుగన్‌' చిత్రాల దర్శకుడు పొన్‌రాం దర్శకత్వంలో తిరిగి శివకార్తికేయన్‌ నటిస్తున్నారు.

ఇందులో కథానాయికగా సమంత నటిస్తోంది. పొన్‌రాం చిత్రం తర్వాత 'ఇండ్రు నేట్రు నాలై' సినిమాకు దర్శకుడు రవికుమార్‌ దర్శకత్వంలో శివకార్తికేయన్‌ నటించనున్నారు. ఇందులో ఆయనతో తమన్నా జత కడుతున్నట్లు వార్తలు రాగా.. తాజాగా హన్సిక పేరు వినిపిస్తోంది.

దీంతో శివకార్తికేయన్‌ సరసన నయనతార, సమంత, హన్సిక తదితర అగ్రతారలతోనే నటించనున్నారన్నమాట.