తత్వీర్‌ పెట్రోలియం, హాట్‌ లైన్‌ నెంబర్‌ 88 88 3 అనే నెంబర్‌ని ప్రారంభించింది. ఆయిల్‌ మరియు గ్యాస్‌ ఎమర్జన్సీస్‌లో ఈ నెంబర్‌ని వినియోగించుకోవాలని తత్వీర్‌ వెల్లడించింది. భద్రతే తమకు మొదటి ప్రయారిటీ అని ఈ సందర్భంగా తత్వీర్‌ పెట్రోలియం సిఇఓ టామీ మెకెంజీ చెప్పారు. ఆయిల్‌ అండ్‌ గ్యాస్‌ ఎమర్జన్సీ సమయంలో ఎవరైనా పేర్కొనబడిన నెంబర్‌కి ఫిర్యాదు చేస్తే, సకాలంలో సిబ్బంది అక్కడి చేరుకుని, అవసరమైన సహాయ సహకారాల్ని అందిస్తారు. బహ్రెయిన్‌ ఆయిల్‌ ఫీల్డ్‌లో వాహనాల్ని నడిపేవారు, అక్కడ సూచించబడిన హెచ్చరిక బోర్డుల్ని తప్పక పరిశీలించి, తదనుగుణంగా ముందుకు వెళ్ళాలని టామీ మెకంజీ చెప్పారు. హై ప్రెజర్‌తో ఉండే ఆయిల్‌ మరియు గ్యాస్‌ పైప్‌లైన్లు ఎక్కువగా ఉండే ప్రాంతాల్లోనూ, అలాగే ఓవర్‌ హెడ్‌ పవర్‌ లైన్స్‌ ఉండే చోట్ల ఖచ్చితమైన నిబంధనల్ని అమలు చేయాల్సి ఉందని తత్వీర్‌ అభిప్రాయపడింది.