నవ్వులకు కేరాఫ్‌ అడ్రస్‌ 'అల్లరి' నరేష్‌. ఆయన సినిమా అంటే రెండున్నర గంటలు హాయిగా నవ్వుకోవచ్చు. త్వరలోనే మరోసారి ప్రేక్షకులను కడుపుబ్బా నవ్వించేందుకు వస్తానంటున్నారు. ఆయన కథానాయకుడిగా నటించిన చిత్రం 'ఇంట్లో దెయ్యం నాకేం భయం'. జి.నాగేశ్వరరెడ్డి దర్శకుడు. ఈనెల 30న ప్రేక్షకుల ముందుకొస్తోంది. ఈ సందర్భంగా నరేష్‌ సోమవారం హైదరాబాద్‌లో విలేకర్లతో మాట్లాడారు. 'ఈ ఏడాది విడుదలవుతున్న నా రెండో సినిమా 'ఇంట్లో దెయ్యం నాకేం భయం'. కొంతకాలంగా మంచి కథల్ని ఎంచుకొని సినిమాలు చేస్తున్నా. ఈ సినిమాను నవంబరు 11నే విడుదల చేయాలనుకొన్నాం.